alexmedicine
اهلا وسهلا بيك عزيزى الزائر يتوجب عليك التسجيل للاستفاده من منتدانا
سيغلق المنتدى قريبا وسيكون محتواه متاح فقط للاعضاء
فسارع بالتسجيل


alexmedicine


 
الرئيسيةالرئيسية  البوابةالبوابة  بحـثبحـث  التسجيلالتسجيل  دخولدخول  

شاطر | 
 

 نبذة عن ( سنة رابعـة )

اذهب الى الأسفل 
كاتب الموضوعرسالة
admin
Admin
avatar

رقم العضويه : 1
عدد المساهمات : 507
تاريخ التسجيل : 15/08/2011
العمر : 28
الموقع : http://alexmedicine.forumegypt.net

مُساهمةموضوع: نبذة عن ( سنة رابعـة )    الأربعاء أغسطس 24, 2011 10:24 pm

بسم الله الرحمن الرحيم ،،



طلاب الفرقة الرابعة الجدد



بداية مبارك انتهاء سنة تالتة على خيــــــر Smile



عقبال سنة رابعة ان شاء الله



البوست ده مخصص لاستقبال اي استفسارات بخصوص السنة الجية



**********************



أولا نبذة عن مــادة طب المجتمع (

Community )



مادة عجيبة كدة





عبارة عن كتابين



الكتاب الاول فيه شوية كلام كدة عن دارسة الامراض والصحة العامة والتعقيم وصحة الهواء والماء

والامراض اللي بتتنقل في المجتمع ويعني ايه عدوه ويعني ايه حلقة انتقال العدوي ووسائل الوقاية والمنع

وعندكم حوال 25 مرض معظمهم ان لم يكن كلهم اناخدو في الميكرو والبارا بس بتقسيمة اخرى Smile





والكتاب التثاني عبارة عن برامج زي تنظيم الأسرة ،، رعاية الأمومة والطفولة

رعاية ذوي الاحتياجات الخاصة ،، رعاية كبار السن





يعني حاجات كدة زي اعلانات اسأل استشير





دروس قليلة اوي من المادة حتستمعي بيها



في حين ان معظمها حتضضروةا تحفظوها كدة زي ماهي للأسف Smile









نظام الدراسة والامتحانات :







يوميا من الساعة 9 صباحا إلى 12 " راوند - سيكشن - " في قسم طب المجتمع

الدور الخامس بالمبنى الأكاديمي





وبعدين محاضرتين من 12 لــ 2 في مدرج 1 او 2





بصراحة معظم المحاضرات ملهاش لزمة يعني ممكن تتذاكر من غير حضور



بس عادي بما انكم حتبقوا فضيين فمميكن تحضروا اول شهر وبعدين تفوتوا





لكن الراوندات لاااااازم كلهااااا تتحضر لان امتحان آخر الراوند بيبقى داخل فيه كل السكاشن بلا استثناااء وهما بيأكدوا على حاجات معينة وبتجيجي

آخر أسبوعين في الشهرين بتوع المادة بيبقى فيهم 10 أيام زيارات وتقيدم السيمينار





الزيارات دي بينزلولكم جدول بيها



كل راوند هو وحظه في ناس بيبقى عليها زيارات الــ 10 أيام



وناس تانية ممكن 3 او 4 زيارات بس والباقي إجازة





بيبقى معاكم كتاب اسمه كتاب الــ Field ده عليه 25 درجة



بتروحوا اماكن زي مكتب الصحة اللي في بحري او سموحة



مدارس ذوي احتياجات خاصة



دار مسننين



شركة المياه





وبيبقى فيه اسئلة في الكتاب بتجاوبوا عليها اثناء الزيارة والمشرفي اللي معاكم هناك في المكان لازم يمضي في آخر الزيارة







المادة كلها عليها300 درجة





95 mcq آخر الراوند على نص المنهج تقريبا

بيبقى كل الدروس اللي اتاخدت في السكاشن

مع 5 دروس ( أمراض هما بيحددوهم )





25 فيلد



30 سيمينار





150 آخر السنة على أكتر من نص المنهج بشوية صغيرين Smile



مش حتحتاجوا لا كورسات ولا سماع محاضرات في المادة دي عشام المناهج مختلفة اصلا بين الجامعات



والمادة نفسها مش صعبة هي محتاجة حفظ حفظ بس

******************* \\ // **********************



ثانيا : نبذة عن مادة الرمـــد

( Ophthamology )



مادة حلوة ودراستها شيقة

عليها 250 درجة




المشكلة اللي واجهتنا فيها


نذاكر منين ؟!!!!




قعدنا طول السنة تقريبا والسؤال متواجد ع الساحة




كان فيه كتاب السنة بتاعتنا ( اللي هو الجديد ) كتاب كدة صغير ولذيذ بس ملوش اي لازمة في الدنيا


انا اصلا مشترتهوش


والكتاب القيدم اللي هو بتاع الدفعة اللي قبلنا ده انا صورته ولاغيت منه الحاجات الزيادة




يعني فضلت اني اشيل الزيادة بدل ما ازود نواقص في الكتاب الجديد




وفي الآخر ذاكرت من ورق كورس بتاع د/ رامي Smile)




مدة الراوند




شهرين ان شاء الله




النظام




محاضرة من 8 لــ 9



أو من 12 لــ 1
حسب المجموعة


ورواند يعني ( سيكشن ) كلينيكال من 9 لــ 12


طبعا الدكاترة بيدخلوا على 9 ونص او 10 ويخلصوا على 11




معظم المحاضرات كويسة ومينفعش تتفوت




حتمتحنوا بعد الشهرين امتحان اوسكي اللي هو الكلينكال بــ 50 درجة


عبارة عن 10 دكاترة معاهم 10 حالات او صور او جهاز معين وبيسألوكوا كام سؤال كدة


بيبقى امتحان سهل ودرجاته مضمونة بإذن الله




و السيمينار بـــ 25


وامتحان الام سي كيو على المنهج كله بــ 50




وآخر السنة امتحان بــ 125 درجة اسئلة مقالية وام سي كيو




حتلاقوال معظم تسجيلات المحاضرات في الموضوع ده


http://www.alltebfamily.com/vb/showt...t=29473&page=7




امتحانات الرمد عموما بتبقى اتقل امتحانات


عشان كدة المادة لازم تتذاكر كويس وبتركيز





******************* \\ // **********************

ثالثا: نبذة عن مادة الأنف والأذن والحنجرة

( ENT )



مادة خفيفة وشيقة بردو


والقسم نفسه معظم دكاترته كويسين اوووي


والامتحانات ديما مباشرة والأسئلة مشهورة ومكررة خصوصا الـ MCQ


المادة من 200 درجة


10 درجات حيبقوا عبارة عن Ear بس في آخر الاسبوع التاني أو اول التالت من بداية الراوند


وسيمينار 20 درجة


وامتحان آخر الراوند MCQ 70 درجة


وامتحان آخر السنة 100 درجة




مصدر المذاكرة




كتاب القسم بيبقى موجود في دارا العلم


هو مصدر المذاكرة والامتحان





بس كان فيه كتاب منفصل للـ Ear
ببتباع في الشروق بـ 30 جنيه لـ د/فتحي عبدالباقي - رئيس القسم -




الشبتر ده عادي ممكن يتذاكر من كتاب القسم الاصلي والامتحان مش بيخرج منه




بس بصراحة كتاب د/فتحي كان أحلى كتير ومنظم ويفتح النفس كدة


وفيه حاجات زيادة سهل ستعمل عليها X ومتتذاكرش


انا عن فسي ذاكرت منه جزء الEar




النظام


حتبقوا راوند واحد


في مدرج الاي ان تي


الدور الاول في العيادات الخارجية




بيبقى فيه يوميا محاضرتين من 9 لـ 11 ساعتين


وساعات بيبقى فيه Clinical Case وساعات لأ




معظم المحاضرات بردو متميزة وتتحضر




العيب الوحيد في المادة دي


هي مدة الراوند شهر واحد


فبنيحجي في الآخر وبنكروت Smile






أهم حاجة في المادة دي بالذات قبل الامتحان تحل أسئلة ام سي كيو كتيييييييير




عشان بتكرر ومضموووونة بإذن الله




وحاجة مهمة بردو




آخر السنة فيه دكاتر في كل المواد بيعملوا مراجعات




مش مهم اي مراجعة للي مش عايز




بس الاهم مراجعة الـ ENT


عان بيدخلها الدكاترة اللي بيحطوا الامتحان


وبيركزوا اووي ع الحاجات اللي الاشئلة بتيجي منها وفعلا بتيجي

******************* \\ // **********************

رابعا : نبذة عن مادة الطب الشرعي والسموم

(Forensic Medicine & Toxicology )



مادة نصها كويس ونصها يعني مش كويس اوي


الشرعي معظم دروسه حلوووة


ومعظم دكاتره ممتازين


حتتدرسوا فيه حاجات كدة زي مسلسل CSI ,, Bones Smile


يعني ازاي تتعرفوا على مسرح الجريمة


وانواع الجروح واشكالها واوي تعرفوا الادارة المستخدمة ومصير الجرح ده ايه




دروس تعذيب وقتل الأطفال والحروق والحواداث والاختناق


وحاجات كدة يعني


يعني حتحس انك بتاخد معلومات بتتفهم






اما الشق التاني اللي هو الكتاب التاني التوكسو


فده عبارة عن فارما بس Over dose


الحقيقة كله حفظ


وحضور المحاضرات فيه مش حيفرق كتير




حتاخدوا دوا معين مثلا تأثيره ايه والـ الجرعة الزيادة حتؤدي إلى ايه


وازاي نعمل Investigations عشان نعرف ايه المادة اليل في جسم الانسان ده


ومعالجتها




عيوب المادة




مدة الراوند قصيرة جدااا جدااا


شهر واحد


او بمعني اصح المنهج بيخلص في 3 اسابيع


طبعا 14 درس E- learning


وكل يوم بتاخد راوند ساعتين


ومحاضرتين


بتروحوا عليكم كمية كيييرة




طبعا محدش بيخلص الشهر ده وهو مخلص المادة لازم باقيتها بيتذاكر يا مع المسيد يا آخر السنة






بالإضافة انك لازم تدخل امتحان التوكسو مذاركر المادة ع الاقل 3 مرات




مرة قراية مع المحاضرات ومذاكرة امتحان وآخر مرة قراية بعد المذاكرة




وبعدين تدعي يارب تثبت Smile




بجد نصيحتي ليكم لازم تطلبوا من الاتحاد او البرلمان يقدموا طلب قبل الدراسة ان الشرعي يبقى ع الاقل شهر ونص


احنا ناقشنا دكاترة القسم كتير في الموضوع ده وهما متفقين معانا اصلا


لكن الرفض بييجي من الادارة نفسها




مصدر المذاكرة :




الــ 3 كتب بتوع القسم بيبقوا في دار العلم




كتاب شرعي ،، كتاب توكسوا ،، كتاب عملي






النظام :




كل يوم سيكشن ( راوند ) من 9 لـ 12 المفروض


وغالبا بيخلص قبل كدة




ومحاضرتين يا من 12 لـ 2


يا من 1 لــ 3


على حسب ما القسم يحدد




من 200 درجة




سيمينار بـ 20


امتحان عملي 3 دروس عملي حيبقوا في ار الاسبوع التاني بــ 15 درجة




وفيه Report على الـ Wounds بــ 5 درجات


كدة كل الدرجات اللي فاتت دي بتتاخد هدية اساسا ومضمونة




وبعدين امتحان آخر الراوند بيبقى كتاب العملي كله و 14 درس نظري


القسم هو اللي بيحددهم وبيختلفوا كل شهر





وامتحان آخر السنة بيبقى نظري بس





******************* \\ // **********************

خامسا : نبذة عن الباطنة ( الميسد )



شهرين الباطنة


عبارة عن شهرين مش ورا بعض


حسب كل راوند بتحدد المدة اللي تفصل بين الشهرين


بتاخدوا فيهم مقدمات عن الباطنة


وازاي تاخد History من العيان


ومقدمات كدة عن الفحص العام



جزء Cardio
$ Abdomen & Neuro & Chest




بتبقى من 50 درجة مش بيضافوا لسنة رابعة


لا بيتأجلوا لمجموع سنة خامسة




15 الشهر الأول


15 الشهر التاني


طبعا ام سي كيو


و 20 سيمينار




الميعاد بيبقى من 9 لــ 12 المفروض


بس غالبا ان لم يكن ديما


ادكاترة بتيجي على 10 الا ربع او بعد كدة وبيخلصوا على 11 او ونص




مصدر المذاكرة




كلام الدكاترة اللي بيشرحوه في السكاشن


وورق كدة بيبتاع في الشروق وريحوا نفسكم


الدكاترة حيفضلوا يقترحوا عليكو كتاب Macleod وكلام كبير كدة




بس انتو مش حتلاقوا وقت اصلا تذاكروا من مصادر كبيرة




لإن الشهر الاول غالبا كل الناس بتحضر فيه محاضرات الشرعي مع الراوند اللي شغال شرعي


عشان يوفروا وقت وميحضروش في الشهر بتاعهم ويحضروا السكاشن بس


اما الناس اللي بتاخد اول شهر شرعي


فبتاخد شهر الميسد الاولاني ده راحة




والشهر التاني بيبقى محاااااااولة لانقاذ ما يمكن إنقاذه في اي مادة تانية Smile





يعني بصراحة نسبة الستفادة من الشهرين دول بتبقى متوسطة او أقل



وفقكم الله Smile
thx for
سما البحر
الرجوع الى أعلى الصفحة اذهب الى الأسفل
http://alexmedicine.forumegypt.net
 
نبذة عن ( سنة رابعـة )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alexmedicine :: رابعه طب بشرى-
انتقل الى: