نقلا عن دكتور سامح عرب(كارديولوجي)

نقلا عن دكتور سامح عرب(كارديولوجي)

الكورس التعليمى لطلبة السنة الخامسة الجديدة

1- تم الإنتهاء من وضع الجدول والذى سيشمل 20 محاضرة (يمكن يزيدوا إلى 21)

2-
الأساتذة المشاركون هم (مع حفظ الألقاب): صلاح الطحان – محمد صدقة – محمد
لطفى – عمرو كمال – شريف وجدى – وأنا . وتم إختيارهم لثقتى فيهم إنهم
مقتنعين بالفكرة وسوف يؤدوها بما يرضى الله دون إنتظار أى شئ إلا الشعور
بأننا بنعمل حاجة مفيدة. وأيضا لإحساسى بقربهم من الطلبة ووجود شعور إيجابى
متبادل بين الطرفين. وبالتأكيد هناك أساتذة أفاضل آخرين لكن فضلنا ألا
يزيد العدد حتى نتمكن من العمل بروح الفريق فى حالة حدوث أى مشكلة. وأنا
حاولت على قدر الإمكان توزيع الموضوعات على الأساتذة بطريقة تضمن نقل أكبر
قدر من الخبرات لكم. وأكيد بعض المواضيع الغلسة ماحدش فينا بيحبها لكن
الشهادة لله مافيش حد إعترض خالص والكل روحه عالية جدا. بطريقة تجعلنى
أفتخر بصداقتى لهم. وأرجو أن ينعكس ذلك بأكبر قدر من الفائدة عليكم جميعا

3-
الكورس سيتم إعادته 3 مرات خلال العام الدراسى. الكورس الأول سيبدأ أول
أكتوبر بصرف النظر عن موعد بدء الدراسة. ووافق الجميع أن نبدا حتى لو كنا
فى أجازة. وستكون مدة الكورس شهرين ثم شهر يترك إحتياطى تجنبا لأى عطلات
غير متوقعة. ويبدا الكورس الثانى فى شهر ديسمبر – حيث أنها ستكون أصعب فترة
لوجود محاضرات ماجستير كثيرة بالإضافة لأجازة نصف العام. والكورس الثالث
يبدأ إنشاءالله فى مارس. وطبعا المواعيد قابلة للتعديلات البسيطة حسب
مايستجد من أمور. وإنشاء الله فى نهاية العام يكون فيه مراجعة سريعة
للمجموعات الثلاثة

4- إتفقت مع أ.د. محمد صبحى رئيس القسم على تخصيص
لقاء مع الطلبة آخر الكورسات وقبل الإمتحان للإجابة على جميع إستفساراتكم
عن طريقة وضع الإمتحان.

5- للأسف لن نتمكن من تسجيل أسماء أكثر من
70 طالب فى كل مجموعة حتى نضمن أقصى إستفادة. فالعبرة ليست بالعدد الكبير
إنما بالفائدة من الكورس. وبالتأكيد ده أمر سيصيب كثير من الطلبة بالإحباط
لكن أى زيادة فى العدد مش حاتدى فرصة للأسئلة والحوار. فبالتالى لازم نتقبل
هذه المشكلة

6- باقى الطلبة مايزعلوش لإن إجتماع إمبارح اللى إستمر
لحد الساعة 1 ونص صباحا كان معظمه مخصص لإصلاح العيوب فى نظام التدريس
بالقسم. وإنشاءالله راوند الكارديولوجى السنة يكون أحسن وماتحتاجوش لا
كورسات ولا دروس خصوصية. وأؤكد لكم إن كل أساتذة القسم عايزين يفيدوكم
بأكبر قدر ممكن

7- المشكلة الكبرى هى كيف سيتم إختيار 200 – 210
طالب من الدفعة بطريقة عادلة. فكرة أن تكون الترشيحات عن طريق البرلمان
الطلابى أو القادة أنا لغيتها تماما تجنبا للخلافات اللى بينكم. بعد العيد
إنشاءالله نبدأ تسجيل الأسماء عند سكرتيرة القسم ويتم الإختيار بالقرعة
العادلة. وإن إحتجت مساعدة من الطلبة فى التنظيم فده حيكون عن طريق الإتحاد

8- سيتم توزيع الطلبة على الكورسات الثلاثة حسب موعد الراوند الرسمى بحيث يكون موعد الكورس المشترك فيه أقرب مايكون لموعد الراوند

9-
المراجعات والأسئلة والتواصل اللى بيننا على المجموعة (تعالوا إلى كلمة
سواء) سيستمر إنشاءالله زى السنة دى ويمكن أحسن. وده حايبقى شئ من التعويض
لكل اللى كان عايز يبقى معانا وماساعدوش الحظ. وأنا أوعدكم إنى حاحاول على
قد مايقدرنى ربنا أكون معاكم

10- أى مجموعة من الطلبة النشطاء بالتأكيد ممكن تاخد الفكرة وتطبقها مع أساتذة آخرين لإن الهدف واحد وهو إفادة الطلبة

ربنا يقدرنا ونقدر نساعدكم. ويارب ماطلعش من الموضوع ده بأعداء أكتر من أصدقاء

شكرا دكتورة هاله ماهر

» كورس دكتور سامح عرب 2011- 2012 متجدد
» مراجعه دكتور امجد cornea
» محاضرة دكتور امجد squint
» مراجعه دكتور امجد retina
» تسجيلات دكتور ابو الاسرار مرتبة صوت ممتاز2010